የድጋፍ ዓይነት ሁለት፡-

    ለውጭ ሀገር ሕክምና የሚደረግ ድጋፍ 

ይህ ድጋፍ አባል የሆነ ሠራተኛ ወደ ውጭ ሀገር ሄዶ በሚታከምበት ወቅት ድርጅቱ/ባንኩ ከሚሰጠው የሕክምና ወጪ 20,000 ዶላር በተጨማሪ ታካሚው ተጓዳኝ ጥቃቅን ወጪዎችን እንዲሸፍንበት በማሕበሩ የሚደረግ ድጋፍ አይነት ነዉ፡፡

       የድጋፍ መጠን 
• ድጋፉ የሚደረገዉ ለመጀመሪያ ጊዜ ሲሆን በአንድ ጊዜ የሚከፈል ብር 50,000.00 (ሃምሳ ሺህ ብር) 
• ድጋፉ የሚደረገዉ ለሁለተኛ ጊዜ ሲሆን በአንድ ጊዜ የሚከፈል ብር 25,000.00 (ሃያ አምስት ሺህ ብር) ሲሆን በጥቅሉ 75,000 ብር ይደገፋል ወይም ይደጎማል፡፡

ድጋፍ የሚጠይቅ አባል ሠራተኛ ማሟላት ያለበት መስፈርቶች
 
• የሙከራ ጊዚውን የጨረሰ፣
• የአባልነት መዋጮውን ሳያቆራርጥ የከፈለ እና ማህበሩ ላይ ማናቸውንም አሉታዊ ድርጊቶች ፈጽሞ የማያውቅ፣
• በተጨማሪም ማህበሩ አስፈላጊ ናቸዉ ብሎ ያመነባቸውን ሌሎች ማስረጃዎችን ማቅረብ መቻል አለበት፤
• ሠራተኛዉ ወደ ውጭ ሀገር ሄዶ እንዲታከም በሀኪሞች ቦርድ የተረጋገጠበት የህክምና ማስረጃ ማቅረብ መቻል አለበት፤
• ባንኩ ለውጭ ሀገር ሕክምና ክፍያ የፈጸመበት ሰነድ ወይም የውጭ ምንዛሪ የተፈቀደበት ማስረጃ ማቅረብ መቻል አለበት፤
• የሚሄዱበት ሀገር ቪዛ እና የባንኩ መታወቂያ ኮፒ፣ 
 
          የጥያቄ አቀራረብ 
ሠራተኛዉ የሚያስፈልጉ ዶክመንቶችን በማሟላት የማህበሩ ጽ/ቤት በአካል ወይም ህጋዊ ወኪል በመቅረብ ለዚህ ጉዳይ የተዘጋጀዉን ቅፅ በመሙላት ጥያቄዉን ያቀርባል፡፡ 

           የጊዜ ገደብ
ይህን ድጋፍ መጠየቅ የሚቻለው ህክምናው ከመጠናቀቁ በፊት ወይም የህክምና ማስረጃው ከተሰጠ በኋላ እስከ 6 ወራት ባለዉ ጊዜ ውስጥ ብቻ ነው፡፡                

የኢትዮጵያ ንግድ ባንክ ሠራተኞች ማሕበር 
 በተባበራ ክንድ ለተሻለ ሕይወት እንተጋለን!